Noong Nobyembre 2025, nakatanggap kami ng balita na ang aming landlord, Nicola Wealth Real Estate at Lotus Capital Corp, ay nag-aplay upang i-rezone at i-demolish ang aming tirahan, ang Myron Manor, sa 75 E 8th Ave. Kapag naaprubahan, ang aming mga bahay ay magiging isang 21-palapag na “extended stay hotel.” Nakasaad sa aplikasyon ng rezoning na, ang hotel na ito ay sinadya upang makapaghatid ng panandaliang pabahay para sa mga empleyado na nagtatrabaho sa "booming high-tech at biotech firms" ng Vancouver.
Ang panukalang ito ay nagbabanta na sirain ang mga tahanan ng humigit-kumulang 40 residente, kabilang ang mga nakatatanda, mga taong may kapansanan, isang Indigenous elder, mga imigrante mula sa iba’t ibang panig ng mundo, at mga batang pamilya. Halos one-third ng mga nangungupahan ay mga Pilipino, na kasalukuyang nakatira malapit sa simbahan ng St Patrick at sa iminungkahing espasyo para Filipino Cultural Center.
Ang iminungkahing hotel ay magkakaroon ng "apartment-style living," ngunit wala kaming karapatan na bumalik at manirahan muli sa bagong gusali. Ang ilan sa amin ay nakatira na dito nang loob ng ilang dekada. Buong buhay naman para sa ilan sa amin. Marami sa amin ang maaaring kailangang umalis sa lungsod, at ang ilan ay kailangang umalis sa Lower Mainland o tuluyan nang umalis sa province.
Kami, ang mga nangungupahan sa 75 East 8th Ave, ay binuo ang Myron Manor Collective upang ipaglaban ang pananatili sa aming tahanan.
Ang pagkawasak ng mga tahanan tulad ng sa amin ay tinatangkang gawing isang solusyon sa isang fabricated na "hotel room supply crisis" sa Vancouver. Bago pa maganap ang pagho-host ng FIFA ngayong summer, sinabi ng pangulo at CEO ng British Columbia Hotel Association na, "handa kaming tanggapin ang mundo, at mayroon kaming availability ng hotel upang gawin ito."
Ang Broadway Plan ay ginagamit upang magtulak na magtayo ng isang hotel para sa mga manggagawa sa tech industry para lamang yumaman pa lalo ang mga ultra rich, at ginagawa ito kapalit ng aming mga tahanan. Ang Nicola Wealth ay nakatuon sa paghahatid ng "wealth management at mga serbisyo para sa pamamahala ng asset ng mga mayayamang indibidwal, pamilya, at institusyon sa iba’t ibang panig ng Canada." Nangangailangan sila ng hindi bababa sa $ 1 milyon ng mga asset na maaaring ma-invest upang makapag-invest sa kanila.
Ang pag-convert ng aming bahay sa Myron Manor sa isang hotel ay magpapalala lamang sa affordability crisis, pinapalayas ang aming komunidad at sinisira ang aming neighbourhood habang ginagawa ito.
Inaanyayahan namin ang lahat ng mga taga-suporta na tumindig kasama namin at magpadala ng sumusunod na liham sa Mayor, City Council, Nicola Wealth at Lotus Capital Corp na humihiling na itigil ang development sa 75 East 8th Ave.